25 મે, 2025 : ભારતના ઝડપથી વિકસતા લોકલ સોશિયલ પ્લેટફોર્મ શુરુ એપ (Shuru App) ને હવે સિરીઝ A ભંડોળ પ્રાપ્ત થયું છે. આ રોકાણ ક્રાફ્ટન, ઓમિદ્યાર નેટવર્ક ઇન્ડિયા અને એક્ઝિમિયસ વેન્ચર્સ જેવી સંસ્થાઓ દ્વારા કરવામાં આવ્યું છે. આ ફંડિંગનો ઉપયોગ એપ્લિકેશનની ટેકનોલોજીને વધુ મજબૂત બનાવવા અને નવી સુવિધાઓ લોન્ચ કરવા માટે કરવામાં આવશે.
શુરુ (Shuru) હવે એક નવી AI-સંચાલિત સુવિધા લોન્ચ કરી રહી છે જે વપરાશકર્તાની વાતચીતનો ઉપયોગ કરીને આસ-પડોશની મહત્વપૂર્ણ માહિતી, જેમ કે કોઈ વિસ્તારમાં પાણી ભરાવું, લાઈટો ના હોવી, અથવા કોઈપણ સ્થાનિક સમસ્યા જે ઘણીવાર મોટા સમાચારમાં આવતી નથી, તેને વાસ્તવિક સમયમાં બહાર લાવશે.
શુરુ એપ (Shuru App)ના સીઈઓ અને કો- ફાઉન્ડર મયંક ભાંગડિયાએ જણાવ્યું હતું કે, “અમે આ ટેકનોલોજીનો ઉપયોગ લોકો તેમની આસપાસ શું અનુભવી રહ્યા છે, તેઓ શું વાત કરી રહ્યા છે તે બતાવવા અને તે બાબતોને સમજવા અને યોગ્ય સમયે બતાવવા માંગીએ છીએ.”
શુરુ એપ (Shuru App)ના કો- ફાઉન્ડર હર્ષ છાબડાએ જણાવ્યું હતું કે, “આપણી જીવનશૈલી આપણી આસપાસના વાતાવરણ પર આધાર રાખે છે. શુરુ એક એવું પ્લેટફોર્મ બનાવી રહ્યું છે જે સામાન્ય લોકોનો અવાજ તમારી આસપાસના લાખો લોકો સુધી પહોંચાડે છે, જેથી તે જરૂરિયાતો પર કાર્યવાહી શરૂ કરી શકાય.”
શુરુ એપ (Shuru App) ટૂંક સમયમાં ખરીદી-વેચાણ, લોકલ નોકરીઓ, પ્રોપર્ટી પોસ્ટિંગ અને નાગરિક ફરિયાદ રિપોર્ટિંગ જેવી ઘણી નવી સુવિધાઓ લોન્ચ કરશે. આ એપ એવી રીતે ડિઝાઇન કરવામાં આવી છે કે દરેક વ્યક્તિ તેનો ઉપયોગ પોતાની ભાષામાં, પોતાના પ્રદેશ માટે કરી શકે.
શુરુ એપ વિશે
શુરુ એપ એક સ્થાનિક અને બહુભાષી ડિજિટલ પ્લેટફોર્મ છે જ્યાં સામાન્ય લોકો તેમના વિસ્તારની વસ્તુઓ, જરૂરિયાતો અને સમસ્યાઓ શેર કરી શકે છે. તેની શરૂઆત મયંક ભાંગડિયા (ભૂતપૂર્વ સીઈઓ અને સહ-સ્થાપક, રોપોસો) અને ઇન્દોરના હર્ષ છાબડા દ્વારા કરવામાં આવી હતી. શુરુ એપ હાલમાં 6.5 લાખથી વધુ વિસ્તારોમાં સક્રિય છે, અને લગભગ 24 લાખ લોકો તેનો ઉપયોગ કરી રહ્યા છે, અને આ સંખ્યા સતત વધી રહી છે. ક્રાફ્ટન, ઓમિદ્યાર નેટવર્ક ઇન્ડિયા અને એક્ઝિમિયસ વેન્ચર્સ જેવા રોકાણકારોના સમર્થનથી, શુરુ હવે એક ડિજિટલ પ્લેટફોર્મ બનાવી રહ્યું છે જે સ્થાનિક અનુભવને સ્માર્ટ, વિશ્વસનીય અને ટેક-કનેક્ટેડ બનાવે છે.
